Bank ishi
KASBI HAQIDA BATAFSIL MA`LUMOT

Yo'nalish Kodi	5230700
Kasbiy mutaxassisliklar	Bank ishi mutaxassisi.
Ixtisosliklar	O‘rta maxsus (bank operatsiyalari mutaxassisi, banklarda buxgalteriya hisobi, hisoboti va kassa operatsiyalari mutaxassisi) – iqtisodiyot va bank kollejlari; Oliy (bank ishi, bank hisobchisi va auditor) – iqtisodiyot, moliya-iqtisodiyot yo‘nalishidagi va shu sohada kadrlar tayyorlaydigan boshqa oliy o‘quv yurtlar.
Qobiliyatlar	matematik aql zahirasi, yuqori ishchanlik va ohistalik, chiqishimlilik va ortiqcha gapirmaslik mahorati, kasbiy etiketga qat’iy rioya qilish.
Fanlar	matematika, ona tili va adabiyot, chet tili, iqtisodiyot, psixologiya, estetika.
Mazmuni	Bank va boshqa kredit-mablag‘ tashkilotlarida – moliyaviy operatsiyalarni o‘tkazish, mijozlar bilan suhbatlashish, sheriklar va mijozlar bilan kelishuvlarni imzolash hamda tayyorlash, bank ishining moliyaviy monitoringi, bank xizmatlari bozori tahlili, investorlarni jalb qilish va ularning mablag‘larini joylashtirish, kredit olayotgan mijozlar haqidagi ma’lumotlarni tekshirish, investitsiya ostidagi loyihalarni saralash va kreditlash, mijozlar uchun hisob-kitob va garov sxemalarini ishlab chiqish, valyutalar, kreditlar va boshqa moliyaviy aktivlar oldi-sotdisi bilan shug‘ullanish, bank raqamlarini yuritish.
Afzalliklar	yuqori darajadagi ish va maoshning turg‘unligi, nisbatan yuqori boshlang‘ich ish haqi; lavozimdagi aniq belgilab qo‘yilgan majburiyatlar; karerada o‘sish ehtimolining yuqoriligi; ajoyib shaxsiy ish ochish va uni muvaffaqiyatli yuritish imkoniyati.
Kasbiy qiyinchiliklar	asabiylashtiradigan, katta hajmdagi aqliy mehnatni talab qiladigan va ba’zida noaniq gafikka ega bo‘lgan ish; yuqori mas’uliyat; turli xildagi insonlar bilan muloqotda bo‘lish oqibatida ruhiy jihatdan charchash.
Batafsil ma`lumot	“Bankir” so‘zi ushbu kasb vakillarini aniqlash uchun unchalik ham aniq so‘z emas. Bankir deb, bankda ishlaydigan mutaxassislarni emas, balki banklarning egalari, xo‘jayinlari, ularni ta’sis etuvchilari tushuniladi. Lekin bu atama ancha avval iste’molga kirib, mustahkam o‘rnashib olgan bo‘lsa-da, biz uni faqat kasbni izohlashda ishlatamiz. Biroq ushbu kasbni tanlayotganlar, xoh o‘zi bo‘lsin, xoh kim bilandir, kelajakda shaxsiy bankini ochishi mumkin. Ongli ravishdagi tanlov asosida bank mutaxassislariga aylanishadi. Bugungi kunda ushbu ta’lim ishi uchun talab qilinayotgan narsaning qo‘lga kiritilish imkoniyatlari – bir dunyo. Davlat universitetining iqtisodiyot fakultetiga o‘qishga kirish mumkin. Pul berib (to‘lov shartnoma asosida) o‘qish va bu variant haqida bir narsani ishonch bilan aytish mumkinki, bunday holatda sarflanayotgan mablag‘lar kelgusida o‘zini oqlaydi: bank mutaxassislariga, bugungi kunda, ehtiyoj juda katta. Bundan tashqari, bank mutaxassislariga faqatgina banklarda ehtiyoj sezilmaydi. Kreditlash bo‘yicha mutaxassislar, masalan, faqatgina kredit beradigan tashkilotlarda emas, balki kredit va ssudalardan faollik bilan foydalanayotgan tashkilotlarda ham ishlashadi. Ba’zida bunday mutaxassis zimmasiga eski olingan kreditlarni yangisi bilan qoplash sxemalarini ishlab chiqish, avval olingan kreditlarni boshqa banklardan nisbatan qulayrok shartlar asosida yangisiga qayta ishlash mas’uliyati ham yuklanadi. Albatta, bu ish rivojlangan aqlni talab qiladi va moliya, bank sohasida ta’limotga ega bo‘lgan ishchilarning hammasi ham amaliyotda o‘z doiralarida etalonlarga aylana olishmaydi, ayniqsa gap kredit va investitsiyalarni jalb qilish to‘g‘risida borayotgan bo‘lsa. Biroq, ishda yuqori, mustahkam natijalarga erishgan insonlar nafaqat shunchaki ta’minlangan odamlarga, balki kadrlarni o‘ziga jalb etish bo‘yicha mutaxassislarning diqqat ob’ektlariga ham aylanishadi. SHunday ekan, agarda sizni moliya mutaxassisligi kasbining tavakkallari, qiyinchiliklari qo‘rquvga solmayotgan bo‘lsa va siz ko‘p matonat, quyosh chiqqandan botganga qadar sabr bilan ishlashga tayyor bo‘lsangiz, unda omad kaliti – qo‘lingizda.