Menejment
KASBI HAQIDA BATAFSIL MA`LUMOT




Yo'nalish Kodi
5340200

Kasbiy mutaxassisliklar
Menejer yordamchisi.

Ixtisosliklar
  • O‘rta maxsus (ishlab chiqarish menejeri yordamchisi, savdo ishlari menejeri yordamchisi) – iqtisodiyot kollejlari;
  • Oliy (menejer) – iqtisodiyot va menejment fakultetlariga ega bo‘lgan oliy o‘quv yurtlari.

Qobiliyatlar
yuqori ishchanlik va chaqqonlik, sabr, stresslarga chidamlilik, yoqimli tashqi ko‘rinish, insonlar bilan muloqotda bo‘la olish, suhbatdoshni ko‘ndirish mahorati, qo‘yilgan maqsadga erishish yo‘lida o‘ziga xos tirishqoqlik.

Fanlar
matematika, ona tili va adabiyot, chet tili, iqtisodiy bilim asoslari, informatika, nutq madaniyati, ish yuritish, psixologiya.

Mazmuni
  • Turli xildagi tashkilotlarda – xaridor va kontragent larni izlash, ular bilan kelishuvlarni olib borish, savdo tarmog‘ini yaratish, shartnomalarni rasmiylashtirish, chegirmalar o‘lchovlarini aniqlash, to‘lov hujjatlarini tayyorlash, etkazib berish shartlarini amalga oshirishni nazorat qilishda menejerga yordamlashish.

  • Afzalliklar
    ijodiy, qiziqtiradigan, dinamik ish; tezlik bilan professional karera qilish, tovar va xizmatlarning amalga oshirilishidan bonuslar olish imkoniyati; turli xildagi tashkilotlarning tovarshunoslari bilan tez-tez bozordagi barcha o‘zgarishlardan xabardor bo‘lishga yordamlashadigan aloqada bo‘lish.

    Kasbiy qiyinchiliklar
    bozor kon’yukturasiga to‘liq “qaram” bo‘lib qolish; rejani bajarish shartligi uchun doimiy stress holatida bo‘lish; odatda natijaga emas, balki qo‘shimcha bonuslarga bog‘liq bo‘lgan kafolatlanmagan kirim.

    Batafsil ma`lumot
    Keling, siz o‘z faoliyatingizni menejerga yordamchilikdan boshlamoqchisiz, ya’ni kichik menejerlikdan, deylik. Buning uchun menejerlar o‘zi kim va ularning xizmat majburiyatlariga nimalar kirishi to‘g‘risida bilib olsangiz yomon bo‘lmaydi.
    “Menejer” so‘zi “boshqaruvchi” degan ma’noni bildiradi. Savdo ishlari bo‘yicha menejer savdo jarayonini boshqaradi. Uning vazifasi o‘zini potensial va real xaridorlar bilan sotuvchi sifatida shaxsiy, ba’zan individual doimiy ta’sir tizimini yo‘lga qo‘yishga borib taqaladi. Savdo ishlari bo‘yicha menejer, mohiyatiga ko‘ra, bugun o‘zi potensial mijozlarga samarali chiqish sxemasini va nafaqat sxemasini, balki ularning eshigini taqillatishi kerak bo‘lgan potensial xaridorlar bilan aloqa texnologiyasini ham ishlab chiqadi.
    Savdo ishlari bo‘yicha menejerlar aniq bir tovarni sotuvga chiqarishga ixtisoslashtirilishadi. Ular chakana savdo iste’molchilari bilan emas, balki turli do‘konlarga tovarlarning kichik partiyalarini etkazib beruvchi yoki o‘zlari do‘kon yoki do‘konlar tarmog‘iga egalik qiluvchi savdo strukturalari tovarshunoslari bilan ishlashadi. Tovarshunos savdo ishlari bo‘yicha menejerdan o‘zi tovar sotib olmaydi, u shunchaki tovar etkazib berish uchun buyurtma berishi mumkin.
    Keling, menejer faoliyatiga bir nazar tashlaylik:
    Ma’lumotnomani qo‘lingga ol va undagi raqamlarga qo‘ng‘irok qilib chiq, elektron pochta bo‘yicha so‘rovlar yubor va bir aniq odamga ikki marta qo‘ng‘iroq qilib, uni “olasanmi yoki olmaysanmi” degan masala bo‘yicha “qiyna” – bundan osoni yo‘qdek tuyuladi go‘yo. Agarda u olsa, tovar esa “ketadigan” bo‘lsa, bu kontragentga shu tovar partiyalaridan yuboraverish qoladi. Lekin, agarda, siz tomoningizdan taklif qilingan tovar tovarshunosni qiziqtirmasa, uni bu tovarni savdoga chiqarishiga ko‘ndirishingizga to‘g‘ri keladi va bu erda ko‘p narsa sizning qay darajada ishontirish mahoratiga ega ekanligingizga bog‘liq.
    Keling, siz ishontira olasiz – tovarni sizdan olishdi. Keyinchi? Hammasi chakana savdo xaridori janobi oliylariga bog‘liq – siz tomoningizdan qo‘yilgan tovar sotiladi yoki yo‘q. Agar tovar sotilmasa yoki sotilish tezligi savdo tashkilotini qoniqtirmasa – tovarni sizga qaytarishadi va uni savdo peshtaxtalarida qolishiga hech qanday mahorat yordam bera olmaydi. Albatta, bir joyda sotilmasa, boshqa joyda sotilishi mumkin. Tovarlarning qaytarilishi va potensial kontragentlarning rad javobiga tinchgina yondashishni o‘zlariga odat qilib olgan savdo ishlari bo‘yicha menejerlar bunday holatdan umidsizlikka tushmaydilar.
    Boshlang‘ich menejerlar ishlarini boshlashlaridan oldin, agar ish beruvchi kutgan natijaga erisha olishmasa, ish beruvchi ularni shunchaki haydab yuborishidan xavfsirashadi. Albatta, tovarning yomon sotilayotgani uchun ish beruvchilar, birinchi navbatda, savdo ishlari bo‘yicha menejerni ayblashga moyilroq bo‘lishadi va taklif qilinayotgan tovar omadsiz, uni qayta ishlash kerakligini rahbarga yoki tovarni ishlab chiqarayotgan bosh direktorga tushuntirishning deyarli iloji yo‘q. Lekin agar savdo ishlari bo‘yicha menejerga omad kulib boqsa, rahbariyat oldida uning obro‘yi keskin ko‘tarilib ketadi. Axir, biznes savdoga asoslangan. Bizning davrimizda savdo ishlari – bu ham mahorat, ham har xil insonlar bilan aloqa o‘rnatishning o‘ziga xos san’ati.
    Obro‘li firmalarda boshlang‘ich menejerga doimiy tarzda o‘z tovarini etkazib beradiganlar bilan ishlashdek yangi kontragentlarni izlashni taklif qilishmaydi. Ularda savdo ishlari bo‘yicha menejer, tovarshunoslarning diqqatini firmaning yangiliklariga qaratgan va buyurtma qilingan tovarni ularga to‘xtalishlarsiz etkazib berishni ta’minlagan holda, faqat tovarshunoslar bilan yaxshi aloqalarni ushlab qolishi kerak.
    Muvaffaqiyatli ish uchun menejer qisqalik va ishonchlilik mujassamlashgan yaxshi rivojlangan og‘zaki nutq, shuningdek, tovarlarning nomlari, ularning sifat xarakteristikalari, narxlariga nisbatan yaxshi xotira; hujjatlar bilan ishlashda ehtiyotkorlik, tashkilotchilik xususiyatlariga ega bo‘lishi; butun kun davomida, kontragentlar vakillari hamda hamkasblarning quruq g‘iybatlariga e’tibor qaratmagan holda, belgilangan yo‘nalishda ishlay olishi kerak.
    Bugungi kunda savdo ishlari bo‘yicha menejer uchun vakansiyalar tanlovi keragidan ham ko‘p. SHunday ekan, agar sizga insonlar bilan tanishish va ular bilan tabiatan ishbilarmon odam sifatida suhbatlashish yoqsa, barcha ikkilanishlar va yolg‘on qo‘rquvlarni surib tashlang. Omad sizning hamrohingiz bo‘lsin!