Zootexniya - Zootexnik-asalarichi
KASBI HAQIDA BATAFSIL MA`LUMOT



Yo'nalish Kodi		 3410600

Kasbiy mutaxassisliklar		Zootexnik-asalarichi.

Ixtisosliklar
  • O‘rta maxsus (asalarichi, asalarichilik bo‘yicha biolaborant, keng profilli traktorchi, “V” yoki “VS” toifali haydovchi) - qishloq xo‘jaligi kasb-hunar kollejlari;
  • Oliy (asalarichi, zootexnik) - qishloq xo‘jaligi institut(akademiya, universitet)lari.

Qobiliyatlar		qanaqadir muhim qobiliyat talab etilmaydi, lekin jismoniy yuklamalarga bardosh bera olish, hasharotlarni sevish, ayniqsa, asalarilarni; ariga va asalari mahsulotlariga allergiya bo‘lmasligi muhim.

Fanlar		biologiya, kimyo, ona tili, jismoniy tarbiya, botanika, informatika, ona tili, chet tili.

Mazmuni
  • Asalarichilik komplekslarida asalari oilalari uchun – asalari oilalari kasalliklarini diagnostika qilish, shuningdek, kasalliklarni profilaktika qilish, asalarilar uchun yirtqich bo‘lgan hasharotlarga qarshi kurashish, oziqlantirishni va qishlovni tashkil etish, oilalarni bo‘lish, asalari uylarini tozalash, dorivorli ishlov berish, asal yig‘ish davri tugagach, asalni olish;
  • asalari saqlanadigan joylarda – kataklardan asalni siqib olish, asalari mahsulotlarini qayta ishlashda ishtirok etish;
  • asalarichilik ilmiy tekshirish institutlarida asalarilarning hosildorligini, ularning kasallikka chidamliligini oshirishning yangi uslublarini ishlab chiqish, asalarilarning yangi turlarini yaratish, asalari mahsulotlarining yangi me’yoriy-texnik hujjatlarini ishlab chiqish, mukammallashtirish va hokazo.

    • Afzalliklar    		dori - darmon ishlab chiqarish uchun xom ashyo etkazib berish – savob; har qanday inson uchun hurmatli bo‘lish; hayot – tabiatda; yil davomida asal eyish va tanishlaringizni u bilan ziyofat qilish; o‘zingizning asalarichilik xo‘jaligingizni tashkil etib, katta daromad olish imkoniyati mavjud.

    Kasbiy qiyinchiliklar    		ish etarli darajada sermashaqqat, ish kuni va vaqti me’yorlanmagan, har doim ham mehnatga yarasha haq to‘lanmaydi, mutaxassislik doirasi tor.

    Batafsil ma`lumot    		Mana kasb. “SHirin kasb”. Uni hech bir mubolag‘asiz shunday desa bo‘ladi. Asalari va asalari mahsulotlari ishqibozlarining ko‘pchiligi uchun bu kasb o‘ziga xos xobbi: professional asalarichi bo‘lmasalar-da, ular asalarilarni daromad olish maqsadida emas, balki yaxshi asalga bo‘lgan ishtiyoq uchun saqlaydilar. SHuningdek, asalarilar bilan ishlash insonni turli maishiy va dunyoviy muammolardan cheklantiradi, tabiat qo‘ynida ko‘ngilli va jismonan dam olish imkonini beradi. Ammo yirik asalarichilik xo‘jaliklarini tashkil etgan professional asalarichilar ham bor. Asalarilar bilan shunchaki ishlash emas, balki asal biznesi bilan shug‘ullanishga qaror qilgan fermer – asalarichiga ko‘p kasblarni o‘zlashtirish kerak bo‘ladi. Bu mutaxassis-tadbirkorga nafaqat katta maydonlarni asalari uylarini joylashtirish uchun tayyorlash, balki asalarilar yaxshi ko‘radigan, tarkibida nektarga boy bo‘lgan gulli o‘simliklarni ko‘paytirish bilan ham shug‘ullanishga to‘g‘ri keladi.Bundan tashqari, barcha fermerlardek, u reklama va marketing, logistika va buxgalteriyani ham yaxshi bilishi kerak.
    Agar siz asalari bilan shug‘ullanadigan tanishlaringizga yordam bergan bo‘lsangiz, juda yaxshi. Agar hech qachon asalarilar bilan duch kelmagan bo‘lsangiz, lekin asalga bo‘lgan ishtiyoq sizni asalarichilikka undaydigan bo‘lsa, bu ham yomon emas. Bunda muhimi - shaxsan siz asalarilar bilan qanday chiqisha olishingiz. SHuni ta’kidlash lozimki, bu kasbda notanish hasharotlar bilan ishlab keta olishni oldindan aniqlash qiyin. Asalari chaqmagan asalarichi dunyoda bo‘lmasa kerak. Asalari mahsulotlari va asalari zahriga sizda allergiya yo‘qligini oldindan aniqlash muhim. Ayrim insonlar buni ko‘tara olmaydilar.
    Professional asalarichilarning “shirin hayoti” ayrim hollarda “achchiq” o‘tadi. Asalarilar kasal bo‘ladi va o‘ladi, ularga sarflangan asalarichining mehnati va mablag‘i zoe ketadi. Qizilari, shurak qushi, chumoli asalarilar uchun o‘ta xavfli. Ulardan asalarilarni saqlash uchun qattiq mehnat qilish lozim.
    Lekin, asalarichi qanaqa muammolarga duch kelmasin, bugungi kunda inson yaratgan tajriba ularning barchasini muvaffaqiyat bilan enga oladi. Ayrim professionallar nafaqat asalari oilalarini ko‘paytirish va asal olish, balki asalarilarning yangi nasllarini yaratish, ularda ko‘proq asal va asalari mahsulotlarini olish bilan shug‘ullanadilar.
    Bir so‘z bilan aytganda, bu sohada keng ko‘lamli ish, mahoratni namoyon etish imkoniyati bor. Asal juda ko‘p insonlarga kerak. Bu kasbni tanlab, hech xato qilmaysiz.